Samoa News is the primary newspaper in American Samoa. We print Monday thru Friday except for some holidays. We also have online editions & content 7 days a week via our website
[ata: SN]
By Okalani EtuatiVAEGA 19
E toe fa’atalofa atu i a tatou pa’aga i so’o se tulimanu o le kelope o lo’o maua mai ai lenei auaunaga, aemaise i nai o tatou tama ma tina matutua i Amerika Samoa. E fa’atalofa atu i le faaopoopoga fou o le tatou Fagogo. E tatou te tau fai si’faatasi le viiga ma le mua i lo tatou Tapa’au Sili i le Lagi, ona o Lana pule faasoifua ma Lana tausiga alofa ia i tatou taitoatasi, ua mafai ai ona o tatou toe fesilafa’i ma le manuia i lenei taeao fou.
Ia ae se’ese’e mai loa i ou se’etaga malu, ae o le a fa’aauau atu le tatou Fagogo – O LE AVE PASI A’OGA.
*********************************************
Sa gata mai le tatou Fagogo i le vaiaso ua mavae, ina ua fa’ata’ape e le pulea’oga ia fanau a’oga i o latou aiga. Ma o le taimi lea, ua toe ai na’o le pulea’oga ma le ta’ita’i leoleo i totonu o le fale a’oga.
E savali atu le taitai leoleo e alu, ae ona maua se telefoni ma sa tu ma toe liliu mai i le mea o iai le pulea’oga. Na va’aia e le pulea’oga le fa’anunumi o foliga a le taitai leoleo ma fai lana telefoni.
Ina ua mae’a, sa fai sina umi ona punou le taitai leoleo ma valu le ulu pei e mageso.
Ona ia ea mai lea i luga ma toe fesili atu i le pulea’oga, “O le a le umi talu ona ave pasi ia Paulo i le tou aoga?”
Na fai sina fa’ate’ia o le pulea’oga i le fesili a le taitai leoleo, ma ua ia nofo ma tau mafaufau le umi na ave pasi ai Paulo i le aoga.
“Ua savali nei le fa tausaga,” o le tali mai lea a le pulea’oga. “E iai se mea ua tupu?”
Ae peitai, sa le’i tali sa’o mai le alii leoleo i le fesili a le pulea’oga, ae ua na’o na toe tatao atu o leisi ana fesili ma ia faapea atu, “E fa’afia ona su’esu’eina a outou ave pasi i tulaga o fuala’au faasaina po o ‘ava malolosi?”
Ua amata ona popole le pulea’oga i le leo o le fesili a le taitai leoleo ma ia tali atu faapea, “E fai i amataga o tausaga a’oga ta’itasi.”
“O lona uiga, o le taimi mulimuli na su’esu’e ai tou ave pasi i tulaga o fualaau faasaina ma ‘ava malosi, o Setema o le tausaga ua tuanai? Ae o lea ua lata ia Iuni?” o le toe fesili atu lea a le taitai leoleo.
“Ioe, e sa’o lea,” o le tali mai lea a le pulea’oga.
Ua toe nofo le ta’ita’i leoleo ma punou ma na fai sina umi, e leai sana tala na fai mai i le pulea’oga.
Ona ia ea a’e lea i luga ma faapea atu i le pulea’oga. “A o’o nanei, ae e te le’i taoto ifo i lou moega, ia e manatua, e tootuli ifo i ou tulivale, ma fa’afetai i le Atua mo le fa’asaoina o ola o fanau aoga uma sa i luga o le pasi.”
“O le tagata lea sa ma talanoa i le telefoni, o le foma’i fa’apitoa lea o lo’o faia suesuega i le tino maliu o Paulo, lau ave pasi. Fai mai a ia, e ofo i le mamao o le mea na o’o iai le pasi, ae e le’i lavea. Ona o lo’o matua’i tumu le tino o le alii ave pasi ma fuala’au faasaina.”
[E FAIA PEA]
Section: Le Lali
View the discussion thread.
Dobrodošli na platformu „Globalni medijski internet pregledač“sedmasila.com
Platforma Sedma Sila je velika online baza newspaper medija iz celog
sveta sa tendecijom konstantnog rasta. Projekat je pokrenut u Srbiji
2016 godine od strane nekolicine kreativnih i ambicioznih ljudi.
Platforma je na web-u dostupna za sve korisnike internet mreže od
Septembra 2020 godine. Stalno radimo na razvoju i i unapređenju
jedinstvenog univerzalnog modula koji će biti zajednički za sve online
newspaper medije. Trenutno na World Wide Web ne postoji javno dostupna
kompletna baza svih medija, uređena tako da korisnicima pruži
jednostavan izbor i brz pristup. Vezano za medije, Google, Facebook i
ostali pretraživaći nude drugačiji concep baze u odnosu na Sedma Sila.
Stalno radimo na poboljšanju funkcionalnosti i dizajniranju platforme.
Naša Misija je da medijske informacije dostupne na Webu, prikupimo,
kategorijski uredimo i prezentujemo korinicima kroz „Novi Internet
Concept“.
Nismo zadovoljni onim što smo uradili. To nas pokreće da nastavimo sa
usavršavanjem projekta.