Aruba presente den simposio cristian democrata

Prome Minister mr. Mike Eman a participa n’e simposio di Groen van Prinsterer den e Waalse Kerk na Den Haag, caminda figuranan prominente manera historiadornan y lidernan politico cristian democrata a reuni pa conmemora 150 aña di e fayecimento di Groen van Prinsterer.Entre e participante principal tabatin Gertjan Schutte, biografo di Groen van Prinsterer; Beatrice de Graaf, profesor na Universidad di Utrecht, Piet Hein Donner, ex vice-presidente di Raad van State y ex-ministro di Hulanda; y tambe e lidernan politico Mirjam Bikker (ChristenUnie), Henri Bontenbal (CDA) y Chris Stoffer (SGP). E debate politico tabata bou di guia di burgemeester di Gouda, Pieter Verhoeve.Groen van Prinsterer ta considera un di e fundadornan di pensamento politico cristian democrata na Hulanda. Como historiador, parlamentario y intelectual, el a hunga un rol importante den formacion di e tradicion politico cristian-democrata y den defensa di balornan manera libertad di educacion, responsabilidad social y gobernacion basa riba principionan moral. Su influencia ainda awe ta visibel den politica Hulandes y den varios partido politico cristian.Durante e encuentro, a reflexiona riba liderazgo, responsabilidad publico y e balornan cu ainda awe ta relevante den gobernacion y democracia, no solamente na Hulanda sino tambe den henter Reino. The post Aruba presente den simposio cristian democrata appeared first on 24ora - Prome Den Noticia.