Grupo Maria Auxiliadora tin diesun aña ta dedica na desaroyo di mucha muhe

Grupo Maria Auxiliadora – Het Arubaanse Padvindsters Gilde ta celebrando orguyosamente 11 aña di existencia brindando recuerdo, amistad y oportunidad pa muchanan muhe sigui desaroya. Den momentonan bon y esunnan turbulento nan a sa di sigui crece hunto manera un famia. Durante e 11 añanan aki Grupo Maria Auxiliadora a crea recuerdonan inolvidabel, nan a siña lesnan valioso di bida, crea hobennan cu confiansa den nan mes, yen’a cu teamwork y liderazgo, pero mas importante un luga unda muchanan muhe ta sinti nan mes sosteni, stim’a y empodera. E trayecto aki no lo por tabata posibel sin e amor y sosten di varios persona. Grupo Maria Auxiliadora kier a bisa danki na tur nos lidernan, ex-lidernan, famianan, boluntarionan, miembronan, directiva di APG. Tambe tur otro persona cu a yuda Grupo Maria Auxiliadora den un manera of otro durante e añanan aki. Bo dedicacion, tempo, amor y animo ta significa un mundo pa nos. Diesun aña di padvinderij, amistad, momentonan di alegria, actividadnan, lesnan, crecemento y recuerdonan bunita. Esaki ta solamente e comienso. Feliz 11 aña di Aniversario Grupo Maria Auxiliadora! The post Grupo Maria Auxiliadora tin diesun aña ta dedica na desaroyo di mucha muhe appeared first on 24ora - Prome Den Noticia.