Lorito: Donny go home…….

Donald Trump den su segundo termino presidencial, for di ‘day one’a hiba un maneho dictatorial y increiblemente controversial. Ariba su prome dia e a pordona esnan cu den su nomber a ataca e capitol den un intento pa cambia e resultado di eleccion. Donald Trump a nenga di acepta derota electoral aunke Joe Biden a haya shete miyon voto mas cu ne. Donald Trump den un serie di decisionnan ilegal a cuminsa desmantela e sistema huridico Mericano y aplica manehonan abiertamente racista. Su programa di America First a inicia un guera economico contra Canada y Mexico y a sigui contra aliadonan Europeo y resto di mundo cu excepcion d Rusia. Den un accion relampago e a secuestra Presidente Maduro y ey su cabes a susha y pretende cu e por haci mescos cu Iran. Awor e no sa con e por sali for di e situacion di conflicto militar cu Iran mientras cu mundial di futbol ta dilanti di porta. Pa prome biaha den historia di mundial nos ta bay mira stadionnan mita bashi y un FIFA den bancarota. China y Rusia ta poniendo presion pa caba cu e guera ilegal di Donald Trump mientras cu NATO ta cayendo for di otro. Si no yega na un fin di e guera, Iran lo contesta tur e atakenan di Israel y Merca cu atakenan contra di e paisnan Arabe cu tin base militar Mericano. Si mester yega na destruccion di e infrastructura petrolero di paisnan Arabe e mundo manera nos conoce lo yega na un fin. Centenares di miyones di hende ariba e planeta aki lo sufri pa motibo cu Donny y Bibi ta insisti ariba un guera cu nan no por gana. Rusia y China ta aliado di Iran y nan lo interveni pa evita un calamidad ariba escala global. No tin otro salida; mester pone fin na e locura aki. Donny go HOME…………    The post Lorito: Donny go home……. appeared first on 24ora - Prome Den Noticia.