Conocido cantante infantil Carolyne Kock ta lansa su cancion y video clip nobo Mama di Luz

Cu hopi emocion y devocion, e talento cantante local Carolyne Kock ta anuncia oficialmente e estreno di su cancion y video clip nobo titula Mama di Luz, un produccion special dedica na nos dushi Birgen Maria. E lansamento a tuma luga e siman aki, hustamente durante celebracion di fiesta di Birgen Maria, Mama di Iglesia, cu ta duna e proyecto aki un significado spiritual y emocional mas profundo ainda. Mama di Luz ta un cancion inspira pa transmiti e mensahe di amor, speransa, fe y proteccion maternal. Cu su bos bunita y sentimento sincero, Carolyne Kock ta invita tur hende pa celebra e poder di oracion, union y luz den nos bida diario. E video clip oficial ta presenta imagennan reflehando e conexion special entre musica, cultura y spiritualidad. E proyecto ta forma parti di e crecemento artistico di Carolyne como un mucha cantante cu ta sigui comparti contenido positivo y inspirador cu su fanaticonan local y internacional. E video clip y cancion oficial ta disponibel caba riba Youtube: Carolyne kier a duna un danki special na tur cu a yuda cu e cancion y e video clip aki: Letra Veloushka Krozendijk, Coro Ruth Gaarie, produccion musical Robert Kock, director musical y Areglo Diego Henriquez, instrumento, recording, mixing & mastering DH Music Factory / Diego Henriquez, produccion video Clip Robert Kock, Mariachi Reyes de Aruba di Ernán Angela, Localidad Rancho Monte Azul (Shayna Werleman), Casibari y Kapel Alto Vista, vestuario Carolyne Diego Giraldo, make-up Caithlyne Kock, areglo di cabey Chastity Kock-Hodge, y un danki special tambe na Cristalyne Kock. Pa presentacion, mas informacion, entrevista of colaboracion, por contact e ekipo di maneho di Carolyne Kock via 5604567. The post Conocido cantante infantil Carolyne Kock ta lansa su cancion y video clip nobo Mama di Luz appeared first on 24ora - Prome Den Noticia.