Pa Mundial di FIFA: Café the Plaza ta transforma den ‘The World Cup Café’

E Copa Mundial di FIFA 2026 ta yegando na e centro di ciudad cu ‘The World Cup Café’ na Café the Plaza. For di 11 di juni te cu 19 di juli, fanaticonan di futbol por bini hunto pa mira tur wega, for di e wega di apertura te cu e final, ‘live.’ Durante henter e torneo, Café the Plaza lo sirbi como e luga perfecto pa reuni cu otro fanaticonan di futbol pa wak e weganan hunto. Lo pone hopi pantaya di television adicional den henter e luga pa e bishitantenan por sigui tur e accion mientras nan ta disfruta di cuminda, bebida y un ambiente dushi. Durante tur wega di Hulanda y Corsou, bishitantenan por disfruta di ofertanan special riba bucketnan di Balashi y Chill. E weganan di Hulanda tambe lo tin entretenimento DJ PTR prome, durante y despues di ‘kickoff.’ Sea cu bo ta un fanatico cu kier apoya bo team faborito of bo simplemente kier topa cu bo amigonan y disfruta di un dushi ambiente, ‘The World Cup Café’ na Café the Plaza ta e luga perfecto pa bo! Probecha y bin sigui e torneo cu nos durante henter e zomer. E evento aki ta conta cu patrocinio di Balashi, Chill, y Aruba Bank. Pa mas informacion, bishita cafetheplaza.com. The post Pa Mundial di FIFA: Café the Plaza ta transforma den ‘The World Cup Café’ appeared first on 24ora - Prome Den Noticia.