Reino tin cuater ruman: Aruba por ta e hub di Hulanda pa Latino America

“For di prome dia cu mi tabata Secretario di Estado pa Relacionnan di Reino, mi a bisa consistentemente cu nos no ta un mama cu tres yiu muhe, sino cuater ruman muhe. Mi ta sali for di e principio di igualdad entre e cuater paisnan den Reino. Y esey no ta asina tanto pasobra mi ta kere den esey pero tambe ta simplemente pasobra e ta e base di nos statuto cu nos ta tratando cu cuater pais denter di Reino, y e cuater paisnan ey ta igual na otro.” Esaki ta loke cu Secretario di Estado Eric van den Burg a bisa durante un debate riba e tema di Relacionnan di Reino. El a keda mustra cu tur mester e mesun trato. Mester bisa cu tin specificamente tarea cu ta asigna na Hulanda. Tin solamente un cantidad limita di eseynan, particularmente asuntonan exterior y defensa. Pero ora ta trata di igualdad, p’e Secretario di Estado tur ta mescos.Asina el a papia di un conferencia di Reino unda e paisnan participante, di forma igual, ta Hulanda, Aruba, Corsou y Sint Maarten. “Mi a discuti esaki un cantidad di biaha durante e ultimo lunanan, tanto cu e Prome Ministernan como cu e Gabinetenan, pero tambe cu e Gobernantenan por ehempel, cu mi ta asumi cu nos cuater lo traha un agenda y organisa esaki hunto.” El a keda papia di igualdad y a compara e situacion cu rumannan. “Mi ta asumi igualdad absolutamente. Y e igualdad ei pues ta nifica tambe cu nos no ta bay bisa nan con cosnan mester wordo haci eynan. Y aunke nos ta cuater ruman muhe igual, e ruman muhe aki ta pasa di ta algo mas grandi cu e otro tres ruman muhenan ey. Y asina, por ehempel, nos tin mas ambtenaar cu nan tin eynan; nos tin un cantidad di posibilidad cu e otronan no tin. Esey tabata, por ehempel den e caso di prestamo di experticio, cu nos ta duna un contribucion na esey. Semper ta posibel, el a bisa, cu e ruman muhe mas grandi ta yuda un ruman muhe un poco mas jong, of vice versa.Tambe a ilustra e echo cu den Reino nan ta literalmente situa for di e frontera di Alemania te na e frontera cu Venezuela. Y e persona cu bisa cu Venezuela ta bisiña di Hulanda, tambe ta corecto. “Esey tambe ta un posicion geopolitico positivo.” El a enfatisa cu Hulanda ta interesa den combersacionnan geopolitico cu e Mericanonan debi na e echo cu Hulanda ta situa na 35 kilometer, for di Westpunt, mira for di Venezuela. E ta mira cu e isla (Hulanda), por funciona como un hub, pero di Reino. A menciona cu companianan cu haya inconveniente pa inverti na Venezuela na e momento aki, pasobra nan ta considera e situacion eynan ainda demasiado precario, por scoge pa establece nan mes na Aruba y asina haci un salto pa e continente Sur Americano. Pa casualidad, esaki ta conta no solamente pa Venezuela, pero mes tanto pa Colombia. Pues, e ta bisa, Hulanda no ta djis caba na Scheveningen, pero na Westpunt, y tambe ta duna Hulanda posicion, tanto den discusionnan geopolitico como economicamente, por ehempel, pa cu Sur America. Tambe Hulanda a papia caba di Mercosur brevemente. “Mi sa cu tin opinionnan diferente riba esaki denter di e comision aki, pero ta trahando cu Mercosur actualmente. Esaki ta nifica cu nos lo establece lasonan tambe, miho ainda cu paisnan na Sur America. E ora por examina tambe te na ki grado Corsou y Aruba, como paisnan dentro di Reino, y naturalmente Bonaire como parti di Hulanda, por beneficia di esaki. The post Reino tin cuater ruman: Aruba por ta e hub di Hulanda pa Latino America appeared first on 24ora - Prome Den Noticia.