Porfin: Cuentanan anual di gobierno ta “up to date”
Durante hopi aña, Aruba semper tabatin atraso den preparacion y entrega di su cuentanan anual. Cu disciplina, direccion y trabou constante, Minister Geoffrey Wever a entrega e Cuentanan Anual 2021, 2022, 2023, 2024 y awo hasta e Cuentanan Anual 2025.
Cu entrega di e Cuenta Anual 2025 na Algemene Rekenkamer, Pais Aruba ta completamente al dia cu su dunamento di cuenta. Esaki ta mas cu cumplimento di un obligacion legal. Esaki ta prueba cu awo administracion financiero di Pais Aruba ta funciona cu mas orden, transparencia y control.
Cada florin publico mester por wordo controla y hustifica. Esey ta e base di bon gobernacion y confiansa den maneho di nos finansa.
A elimina e atraso historico, awo ta fortifica un sistema financiero mas solido, mas confiabel y mas responsabel pa futuro di Aruba.
Cu gratitud y palabra di pabien pa Departamento di Finansas y Centrale Accountants Dienst pa nan trabou y dedicacion.
The post Porfin: Cuentanan anual di gobierno ta “up to date” appeared first on 24ora - Prome Den Noticia.
7/8/2026 4:32:05 PM