Cas di Cultura ta lansa Open Stage pa artistanan local

    Oranjestad, Aruba, 9 di juli, 2026 – Como parti di su compromiso continuo pa fortalece cultura, cultura di Aruba, y sostene talento artistico local, Cas di Cultura ta orguyoso di por introduci Open Stage, un iniciativa nobo cu ta brinda artistanan di performance e oportunidad pa desaroya y presenta producionnan original den un ambiente profesional.   Open Stage ta refleha e mision di Cas di Cultura pa cultiva arte, cultura, herencia, y identidad cultural di Aruba door di crea mas oportunidad pa creativonan local subi escenario. Sea cu nan ta musico, trahador di teatro, bailarin, stand-up comedian, of artistanan multidisciplinario, artistanan ta wordo invita pa transforma nan ideanan den presentacionnan en bibo mientras nan ta beneficia di e guia y sosten di e institucion cultural nacional di e isla.   E iniciativa a wordo crea pa encurasha experimentonan artistico, liberdad creativo y colaboracion. Door di baha hopi di e bareranan practico cu hopi bia ta compaña produccionnan bibo, Open Stage ta duna artistanan mas confiansa pa explora conceptonan nobo, mustra trabounan emergente, y conecta cu publico den maneranan significante. Na mes momento, e ta contribui na un calendario mas rico y diverso di presentacionnan produci localmente pa e comunidad di Aruba.   Pa medio di Open Stage, Cas di Cultura ta ofrece artistanan e oportunidad pa pone nan mes produccionnan den un luga profesional bou di un modelo di partnership comparti. En bes di depende riba un huurmento di luga tradicional, produccionnan ta wordo sostene a traves di benta di karchi, loke ta permiti artistanan trece nan ideanan riba escenario cu significante menos riesgo financiero di antemano. E iniciativa ta inclui tambe sosten tecnico y promocion colaborativo, yudando creativonan local trece obranan original riba escenario mientras ta encurasha mas presentacionnan local pa publico Arubiano.   Open Stage lo yama bon bini na aplicacionnan pa produccionnan cu ta tuma luga entre 1 di augustus 2026 y 30 di april 2027. Artistanan interesa pa siña mas ta wordo encurasha pa tuma contacto cu Cas di Cultura door di manda un email na [email protected]. The post Cas di Cultura ta lansa Open Stage pa artistanan local appeared first on Aruba Native.