Campaña “Golazoooo” di Stern Automotive a resulta exitoso 

Relaciona cu Copa Mundial 2026, Stern AUtomotive Enterprises tambe tabatin nan campaña “Golazoooo”. Nos amigonan Kevvin Valderrama y Isaac Amisail tabata un rato na Stern p’asina haya sa con e campaña “Golazoooo” ta bayendo. Nan a combersa cu Marc Thode, Sales Assistant Manager cu a sigura cu e campaña a bay hopi bon. Marc a indica cu di un banda e ta contento cu e campaña ta bayendo bon, pero di otro banda, tristo pasobra cu mundial ta casi caba. Kisas pasobra cu su team ya a bay cas caba. Pero el a sigura cu e comunidad di Aruba ainda por pasa na Stern y participa den e campaña. E campaña ta consisti di tira riba e gol, y si bo score di un solo biaha, bo ta haya 5 mil florin di descuento riba e compra di e auto di bo soño durante e campaña “Golazooo”. Facebook Live Durante e demostracion, nos colega Kevvin Valderrama a score di un solo tiro, pa cual e lo bin na remarca pa 5 mil florin di descuento. Si bo faya un biaha, bo ta haya 4 mil florin di descuento, si bo faya dos biaha bo ta haya 3 mil florin di descuento. Si bo faya tres biaha, e ora toch bo ta haya mil florin di descuento. E campaña ta valido te na final di mundial, pues probecha. Ainda tin dos siman mas pa probecha di e tremendo campaña aki di Stern Automotive, “Golazoooo”. The post Campaña “Golazoooo” di Stern Automotive a resulta exitoso  appeared first on 24ora - Prome Den Noticia.