Poke Ono Aruba ta introduci e ‘Flame Hashira Ramen’ pa un tempo limita

Fanaticonan di anime y amante di ramen tin algo nobo pa purba e luna aki. Poke Ono Aruba ta introduci e ‘Flame Hashira Ramen, un special pa un tempo limita inspira pa kyojuro rengoku, un di e personahenan mas conoci di e serie anime ‘Demon Slayer.’ E ramen ta disponibel solamente na Poke Ono’s Marketplace. E ta combina seafood, sabornan fuerte, y un sopi di miso tonkotsu. E plato ta inclui ‘Tempura Kanikama’, ‘Yakitori Shrimp’, ‘BBQ Eel’, ‘Salmon Monkey Balls’, y ‘Tuna Sashimi.’ E ta sirbi cu ramen noodles, maishi, paksoi, carot, ‘nori’, mushroom, ‘bean sprouts’, ‘bamboo shoots’, siboyo ‘crispy’, y siboyo berde fresco den un sopi di miso tonkotsu. E combinacion di ingredientenan ta ofrece un variedad di sabor y textura, loke ta haci esaki un adicion unico na e menu. Pa celebra e lansamento, Poke Ono Aruba ta ofrece e Flame Hashira Ramen pa un prijs special di solamente $25. E promocion ta cuminsa awe, 11 di juli, y ta continua te fin di juli. E ‘Flame Hashira Ramen’ ta disponibel pa un tempo limita y lo no ta obtenibel despues di e luna di juli. Tur esunnan cu kier purba e plato inspira pa e anime mester bishita Poke Ono Marketplace prome cu e promocion caba. Sea cu bo ta un fanatico di ‘Demon Slayer’ of simplemente kier purba un plato di ramen diferente, no perde e oportunidad aki pa bin purba e ‘Flame Hashira Ramen!’ The post Poke Ono Aruba ta introduci e ‘Flame Hashira Ramen’ pa un tempo limita appeared first on 24ora - Prome Den Noticia.