Team Santa Cruz Aruba a termina como subcampeon den Pinto Baseball Classic
Na Ilinois, Merca, Aruba a competi den torneo di Pinto League. Team Santa Cruz Aruba a sa di haci un bon trabou y na final a cay cortico pa termina como subcampeon.
Ciriac Tromp, Manager di Team Aruba Santa Cruz, a conta cu nan a logra dos victoria y esey a hiba nan den final di e campeonato di bracket gold. E team cu nan a topa cu ne tabata Santo Domingo, cu tabata uno fuerte, basta homerun.
E staff ta orguyoso di e muchanan, cu nan a bati te final aunke a cay cortico. Team Santa Cruz a yega final invicto.
Nan mester a hunga un total di tres wega riba un solo dia. E prome dos weganan a enfrenta teamnan Mericano fuerte. Segun Tromp, nan a sa di pone presion trempan. A ripara cu e wega a bay mas facil. Durante e dos weganan ey a bay bon, e bateo tabata “on point.”
E team aki ta di U-8 y e ta kere nan ta sigui pa U-9. E gana y smaak t’ey pa sigui lucha cu nan pa por yega U-9 y mira con e ta bay otro aña.
Pa mas lesa TREMPAN.COM.
The post Team Santa Cruz Aruba a termina como subcampeon den Pinto Baseball Classic appeared first on 24ora - Prome Den Noticia.
7/12/2026 7:12:46 PM