Aruba lo ta sede di La Leyenda del Dorado na october

Na Local Store a tuma luga un conferencia di prensa, caminda a haci e anuncio oficial di ‘La Leyenda del Dorado 2026’ na Aruba, un di e caredanan di mountain bike mas popular y di top nivel den America Central. E evento internacional aki, cu a cuminsa varios aña atras na Colombia y a bay na paisnan manera Republica Dominicana, lo tuma luga riba nos isla pa prome biaha dia 9, 10 y 11 di october proximo. Rowald Werleman, PR di Leyenda Island Series Aruba, a splica cu e careda aki lo trece un nivel halto di profesionalismo cu mas of menos 150 coredo profesional di exterior. Banda di e bishitantenan, nos top coredonan local tambe lo participa pa competi p’a e orguyo y pa mira kende lo bisti e jersey oficial. E evento lo dura tres dia di coremento den careda di mainta, y e centro di operacion lo ta un village special na Arashi. E village aki lo tin outlet di cuminda, koffie y bikeshops cu lo mustra e ultimo tecnologia di bicicleta. P’e coredonan local, tin un maximo di 50 cupo disponibel (y 100 pa esunnan di afo) cu ta bendediendo hopi lihe. E organisacion ta ofrece un plan di pago flexibel den tres parti. E interesadonan por asisti na un anochi informativo cu lo ta organisa pronto p’e clubnan, of tuma contacto via WhatsApp n’e number 5931118. Tambe tin un programa habri pa boluntario cu lo ricibi un pakete cu pechi y t-shirt pa nan yudansa den e gran evento deportivo aki. The post Aruba lo ta sede di La Leyenda del Dorado na october appeared first on 24ora - Prome Den Noticia.