Jason Pantophlet: Corporacion Con Animo t’e miho decision di mi bida

Jason Pantophlet tin mas di cuater aña na Corporacion Con Animo. E ta un persona cu a lanta den Tarabana. E ta hopi contento di ta eynan y no tin masha interes pa bay bek Aruba. Jean Paul v/d Kuyp a yud’e masha hopi pa asina e logra sali for di caminda e ta. Jason a conta cu e t’ey awe na Corporacion Con Animo pasobra hopi hende mas a dicidi di yuda p’e sali for di su adiccion na droga. El a logra esaki na Colombia. Na Aruba tambe el a purba pero no tabata cla pa sali di droga. Caminda e ta biba tur rond eybanda tin droga. Ki ora bo sali of drenta di rehab y no tuma conocimento con pa keda cu e tratamento bo ta haya bo mes den situacion unda no ta cay. Esaki tabata molesti’e masha segun Jason a comenta. Ora bo sali bay pafo di Aruba pa tratamento profesional e ta sali bo poco mas miho pasobra bo ta leu di e circulo di bida di droga y alcohol cu adiccion. Na Corporacion Con Animo el a sali’e hopi miho segun Jason. El a gusta e trankilidad cu tin y e tin tambe un bon director cu ta Jean Paul v/d Kuyp. E tin su psicologo cu ta hopi bon y mescos diferente hende cu ta yud’e manera enfermeranan cu su medicamentonan. Jason ta tumando su medicamento keto bay. Na Aruba nan a keur af y e no tabata apto pa traha. Na un edad jong, kisas entre 12 cu 13 aña, el a cuminsa usa droga. Awor Jason Pantophlet tin 46 aña di edad. E ta contento di por a tuma e decision di bay Corporacion Con Animo pasobra esaki ta miho decision cu el a tuma den su bida. Esaki ta conociendo su mes den pasado. Tin otro hendenan cu tambe tin basta tempo limpi di droga. Nan tambe ta yud’e den diferente manera. Mescos su mama ta yud’e cu algo y Jean Paul v/d Kuyp cu ta yud’e tur cu tin. Un adicto hopi biaha ta compronde otro miho con pa yuda. Si bo kier cambia ta bon pa bira miembro di Narcotica y Alcohol Anonimo pasobra e programa aki por yuda e hubentud di awendia. Tempo e tabata jong e tabata den e adiccion y gara di droga y alcohol cu e no por a sali. Door cu tin hende cu ta stim’e hopi, nan a dun’e chens pa drecha bida. Ora bo haya e chens aki bo mester tum’e segun Jason. No haci wega cu e chens cu bo ta haya pasobra awendia entre otro bida a bira costoso y bo famia ta sufri hopi di wakbo den e caminda ey. Hasta esnan cu no ta bo famia ta sufri di wakbo den caminda di adiccion. Awo cu e ta bon tur e hendenan aki ta contento. Nan ta yam’e y e tambe ta yama nan. Nan a bis’e pa e keda Colombia. E tin su mama na Aruba y su deseo ta pa su mama bin bishit’e na Corporacion Con Animo na San Antonio de Tequendama. The post Jason Pantophlet: Corporacion Con Animo t’e miho decision di mi bida appeared first on 24ora - Prome Den Noticia.