Ganando Francia: Spaña ta clasifica pa un final di Copa Mundial despues di 16 aña

Un wega cu hopi kier a mira tabata Spaña contra Inglatera. Dos team cu kier a yega final. Sinembargo, despues di diesseis aña, Spaña ta bek den final. Spaña a sali victorioso cu score di 2-0. E prome tempo a inicia den Dallas Stadium  cu un Spaña hopi dicidido pa yega bay cu e victoria. Na momento cu referee a fluit wega, rapidamente Spaña a yega area di Francia. Na seis minuut ya caba Francia tabata un menasa via Adrien Rabiot cu a ricibi tiro liber, pero a faya pa tira riba gol. Wega a continua cu ambos presionando, pero Spaña mas. Francia a comete infraccion den nan area y consecuentemente referee a duna pinalti. Na 22 minuut e prome gol a cay, cual tabata un pinalti haci pa Mikel Oyarzabal.  Mientras wega tabata andando, e tecnico di Francia a opta pa baha William Saliba, kende tabata keha di dolor. Na su luga a subi Maxence Lacroix. Wega a sigui cu e Spañonan buscando mas gol. Pero no tabata logra. Francia a haya oportunidad pa tira gol, pero linesman a haci bandera señalando cu Kylian Mbappe tabata den posicion adelanta. E prome tempo a bay aden 1-0 pa Spaña. Di dos tempo a cuminsa e Spañonan tabata pasa e defensa Frances pa tira riba gol. Na 58 minuut Dani Olmo a haya e chens pa pasa e bala pa Pedro Porto kende a manda esaki den net. Asina wega a bira 2-0. Ni cuanto e Francesnan a haci nan no por a anota gol pa tabla wega. Na final Spaña a sali victorioso y awo ta warda nan contrincante di diadomingo awo. The post Ganando Francia: Spaña ta clasifica pa un final di Copa Mundial despues di 16 aña appeared first on 24ora - Prome Den Noticia.