EPB San Nicolas a celebra graduacion cu ochentishete porciento di exito

E cuerpo di docente y administrativo di EPB San Nicolas a finalisa e aña escolar cu un ceremonia festivo na Renaissance Convention Center, unda a haci e entrega di e diplomanan n’e studiantenan. Director di e instituto, Gregory Mathilda, a expresa su gran satisfaccion p’e resultadonan bunita, destacando cu e graduadonan tabata acompaña pa nan mayornan, e minister di enseñansa y e directiva di e scol den e momento unico aki. E aña aki e porcentahe di graduado tabata masha exitoso, logrando un biaha mas 87 porciento. Esaki ta nifica cu for di 140 studiante cu a participa, un total di 122 a finalisa nan estudio satisfactoriamente. Mathilda a gradici di curason tur e maestronan pa nan gran aporte, e comunidad pa su apoyo continuo y e miembronan di prensa cu a yuda durante tur e añanan aki. Mirando padilanti, e director a anuncia cu p’e aña escolar 2026/27 lo tin opleiding nobo disponibel, y el a invita e studiantenan pa inscribi na tempo pa forma parti di e scol aki. EPB San Nicolas ta mantene un relacion hopi estrecho cu EPB Oranjestad, EPI y SPO, trahando hunto pa fortalece enseñansa profesional riba e isla. Mathilda a conclui resaltando e gran importancia di prepara studiante den ramonan manera electro, panaderia, cushina, carpinteria y administracion p’asina contribui n’e progreso exitoso di e dushi isla di Aruba. Pa mas detaye lesa TREMPAN. The post EPB San Nicolas a celebra graduacion cu ochentishete porciento di exito appeared first on 24ora - Prome Den Noticia.