Instalacion di un miembro nobo pa Aruba Lions Club 

  Recientemente, durante e actividad di instalacion di e directiva nobo di Aruba Lions Club tambe a  keda instala un miembro nobo cu lo forma parti di e famia di lionnan. Esaki a keda den e persona  di Sra. Marian Krozendijk di cual su pareha Sr. Kenneth Bikker ya tin 15 aña como miembro di  Aruba Lions Club.   Sra. Lion Marian tin hopi aña ta yudando e club tras di cortina, den forma di un amigo di Lions,  “Friends of the Lions” y a gusta locual e club ta bin ta haciendo pa decadanan caba pa e  comunidad di Aruba. Sra. Lion Marian ta hopi entusiasma y tin ideanan fresco pa trece dilanti den  e club pa di e forma aki yuda engrandece e club mas ainda y fortalece e laso entre e club y  comunidad.  Directiva, miembronan di Aruba Lions Club y di Leo Club ta yama Sra. Lion Marianne Bikker  Krozendijk un bon bini y ta dese’e tur clase di exito.  Aruba Lions Club ta un club di servicio cu pa casi 80 aña caba ta trahando incansablemente pa e  comunidad di Aruba y ta bao di auspicio di Lions Club Internacional cu ta consisti di mas cu 46 mil  club den mas di 200 pais y ta conta cu mas di 1.4 miyon miembro rond mundo y a cumpli 109 aña  di existencia cu ta hacie e organisacion di servicio mas bieuw y mas grandi mundialmente.   Programanan cu Aruba Lions Club entre otro tin ta Cama di Hospital y Rolstoel, Smile Mobile,  Back to school food bags, reparticion di comestibles durante fin di aña y Feria di Salud. Ta  termina bisando danki pa e apoyo y ta pidiendo pa pueblo keda pendiente pa actividadnan cu ta  na caminda.  The post Instalacion di un miembro nobo pa Aruba Lions Club  appeared first on Aruba Native.