Kiona Croes a gradua como Bachelor den Organization, Governance and Management (OGM)

Kiona S. Croes a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management di e Facultad di Arte y Ciencia. Kiona Croes a defende su tesis titula: Invisible Barriers to Leadership: The Role of Imposter Syndrome in Shaping Women’s Leadership Experiences in Aruba Kiona Croes a investiga con “imposter syndrome” (sentimento di duda propio, sinti manera un “fraude”) ta manifesta den hende muhenan den liderazgo na Aruba — con duda interno ta interactua cu factornan externo manera expectativanan di genero na luga di trabou, no mucho representacion di hende muhe den cuartonan di liderazgo, y e cultura chikito y interconecta di Aruba. A entrevista diesseis muhe lider den sector publico, priva y non-profit pa compronde si y con nan ta experencia y maneha e duda aki, con e ta afecta nan identidad como lider, y con nan ta defini “exito” personalmente a pesar di e duda aki. E meta tabata pa no trata “imposter syndrome” solamente como un problema di mentalidad individual, sino mustra con e ta forma tambe pa condicionnan structural y cultural — loke ta hiba na solucionnan mas sistematico, manera mentorship y politicanan di trabou y no solamente confiansa personal. E comision di graduacion tawata consisti di: ● Valerie Maduro, MA ● Mandy Lacle, MSc ● Keaneeh Krozendijk, MSc Ta gradici e docentenan di e departamento di OGM y profesional cu a yuda of guia Kiona Croes como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. The post Kiona Croes a gradua como Bachelor den Organization, Governance and Management (OGM) appeared first on 24ora - Prome Den Noticia.